Një i vdekur dhe katër të zhdukur nga vërshimet në Turqi

Të paktën një person ka vdekur dhe katër të tjerë u zhdukën të mërkurën për shkak të përmbytjeve në provincën juglindore Adiyaman të Turqisë.

Reshjet e dendura shkaktuan derdhjen e lumit Egricay duke shkaktuar përmbytje.

Numan Hatipoglu, i cili punon si koordinator në Adiyaman, tha se ekipet e kërkimit ishin dërguar në vendngjarje.

“Disa nga ekipet tona mbështetëse dhe automjetet vijnë këtu gjatë gjithë kohës duke pastruar rrugën. Një nga qytetarët tanë vdiq në incident dhe katër nga qytetarët tanë janë të zhdukur. Ekipet tona vazhdojnë përpjekjet e tyre të kërkimit,” tha ai.

Uji i vërshuar shkakton edhe ndërprerje të qarkullimit në bulevardin kryesor Ataturk dhe rrugë e rrugë të tjera.

Agjencia turke e menaxhimit të fatkeqësive AFAD, policia, xhandarmëria dhe ekipet e bashkisë vazhdojnë të evakuojnë zonat ku ka rrezik përmbytjeje, shkruan Anadolu.

Adiyaman u godit muajin e kaluar nga tërmete të dyfishta, të cilët tronditën pjesën më të madhe të Turqisë jugore dhe lanë më shumë se 48,000 njerëz të vdekur.