Një i plagosur me armë zjarri në Prishtinë
Shqip
Një plagosje me armë zjarri ka ndodhur pasditen e së premtes në lagjen “Bregu i Diellit” në Prishtinë ku ka mbetur i lënduar një person.
Lajmin për Shqip.com e ka konfirmuar zëdhënësja e Policisë së Kosovës për rajonin e Prishtinës, Flora Ahmeti.
Ajo bëri të ditur se i plagosuri është dërguar për tretman mjekësor.
“Aktualisht hetuesit policor kanë nisur një hetim për sqarimin e të gjitha rrethanave që lidhen me rastin”, tha ajo.
Ndërkaq, Ahmeti tregoi se pas marrjes së këtij informacioni menjëherë kanë dalë në vendin e ngjarjes të gjitha njësitet e nevojshme policore./SHQIP.com
