Nis takimi i Haradinajt me presidenten Osmani

Kryetari i Aleancës për Ardhmërinë e Kosovës, Ramush Haradinaj ka arritur në objektin e Kuvendit të Kosovës për takim me presidenten Vjosa Osmani.

Kjo e fundit u ka dërguar ftesë partive opozitare, bazuar në letrën që ka marrë nga kreu i AAK-së.

Për dallim nga ky i fundit, kreu i PDK-së, Memli Krasniqi dhe ai i LDK-së, Lumir Abdixhiku kanë refuzuar të takohen me kryetaren e shtetit.

Në ftesën e dërguar liderëve të partive politike, presidentja Osmani ka theksuar bindjen se “bashkëpunimi dhe dialogu i hapur ndërmjet institucioneve me partitë politike janë thelbësore për t’i përballur sfidat aktuale dhe për të punuar bashkë drejt arritjes së synimeve të përbashkëta…”.