Nis protesta e veteranëve
Publikuar:
(16.06.2022 09:27:13)
Dhjetëra veteranë të UÇK-së janë mbledhur në sheshin “Skënderbeu” në Prishtinë.
Kjo protestë është organizuar për të shprehur kundërshtimin e tyre në lidhje me miratimin e Projektligjit për rritjen e pagës minimale.
Ky Ligj lë jashtë rritjes, pensionet e veteranëve.
Të martën Kuvendi i Kosovës miratoi në parim, me 68 vota për projektligjin që përcakton pagën minimale.
Për kalimin e këtij projektligji ishin deputetët e Lëvizjes Vetëvendosje dhe ata të Listës Serbe, ndërsa komunitetet e tjera joshumicë abstenuan.
Projektligji është kundërshtuar nga opozita, e cila nuk mori pjesë në votim./Shqip.com