Nga ky muaj pagesa për tatimin në pronë në Komunën e Prishtinës do të bëhet online

Nga ky muaj regjistrimi dhe çregjistrimi i barrës tatimore do të bëhet online.

Kështu ka bërë të ditur Donat Lushaku, Drejtor i Kadastrës në Komunën e Prishtinës.

“Bashkëpunimi mes nivelit qendror dhe lokal (Agjenci Kadastrale-Administratë Tatimore-Drejtori e Kadastrit) në kuptimin pozitiv e përmbajtësor sjell gjithnjë rezultate të mira.Tashmë nga ky muaj regjistrimi dhe çregjistrimi i barrës tatimore do të bëhet ONLINE, pra në mënyrë digjitale”, ka bërë të ditur Lushaku.

Ndryshimet e tilla në shërbim të qytetarëve përveç se janë domosdoshmëri, të njëjtat përfaqësojnë edhe lehtësim procedural e administrative, ka shtuar më tutje Lushaku.