Nga ky muaj, do t’u ndahen shtesa nënave që kanë lindur fëmijë nga viti 2015 e tutje

Ministria e Financave, Punës dhe Transfereve, Hekuran Murati, ka njoftuar të premten se nga ky muaj, të gjitha nënat që kanë fëmijë të lindur nga data 1 janar 2015 do të marrin shtesa nga shteti.
Sipas njoftimit, aplikimi për fëmijët 2015+ do të jetë i hapur nga e shtuna e 16 tetorit deri më 24 tetor.
“Aplikimet që bëhen pas datës 24 tetor, shqyrtohen në muajin pasues”, ka shkruar Murati në Facebook.

Më tej, ka thënë se pas pilotimit të masës së shtesave për fëmijë, kanë vërejtur se në disa raste llogaria bankare ka qenë e vendosur gabim.
“Andaj që të parandalojmë gabime të tilla, marrë parasysh edhe vëllimin e shtuar të aplikimeve që pritet të rezultojë me zgjerimin e programit për gjeneratën 2015+, e kemi parë të nevojshme që në formularin e aplikimit të shtojmë edhe funksionin e validimit të llogarive bankare në kohë reale. Këtë e kemi bërë në bashkëpunim me ASHI dhe BQK”.
Pra tani e tutje, që të pranohet aplikimi, Murati ka bërë të ditur se duhet të siguroheni që llogaria është në emrin e nënës.
Ndryshe, Qeveria e Kosovës ka miratuar vendimin, sipas të cilit, lehonat e papuna në 12 muajt e fundit përfitojnë mbështetje financiare prej 170 eurosh për gjashtë muaj, kurse ato të punësuara përfitojnë mbështetje financiare 170 euro për 3 muaj.
Po ashtu, Qeveria ka miratuar vendimin për ndarjen e shtesave për fëmijë. Ata nga 0-24 muaj marrin nga 20 euro në muaj, derisa mbi 24 muaj deri në moshën 16 vjeçare marrin nga 10 euro në muaj./Shqip.com