Në Lisbonë përurohet shtatorja e Nënë Terezës

Presidentja e Kosovës, Vjosa Osmani, ka njoftuar se bashkë me Kryetarin e qytetit të Lisbonës, Carlo Moedas, kanë përuruar shtatoren e Nënë Terezës.

Osmani ka thënë se kjo shtatore nuk është thjesht një vepër arti, por  një urë që na lidhë me idealin e përjetshëm të shërbimit vetëmohues dhe dashurisë për të tjerët.

“Le të shërbejë kjo statujë si një kujtesë e vazhdueshme e bamirëses më të madhe që njohu njerëzimi!”, ka shkruar Osmani.

Postimi i plotë:

Tashmë edhe në qendër të qytetit të Lisbonës, Portugali!

Bashkë me kryetarin e qytetit të Lisbonës, Carlos Moedas, përuruam shtatoren e shenjtores shqiptare Shën Tereza.

Kjo shtatore nuk është thjesht një vepër arti, por mbi të gjitha, një urë që na lidhë me idealin e përjetshëm të shërbimit vetëmohues dhe dashurisë për të tjerët.

Le të shërbejë kjo statujë si një kujtesë e vazhdueshme e bamirëses më të madhe që njohu njerëzimi!