Në kryeqytetin e Australisë raportohet një rast me COVID-19 pas më shumë se një vit, merret vendim për bllokim një javor

Kryeqyteti australian Canberra po hyn në një bllokim të menjëhershëm njëjavor pasi regjistroi rastin e parë të Covid-19 në më shumë se një vit.

Vendimi do të hyjë në fuqi të enjten në orën 7 të mëngjesit, sipas orës lokale

Bllokimi u thirr për të gjithë Territorin e Kryeqytetit Australian – shtëpi për rreth 400,000 njerëz – sepse autoritetet nuk e dinë se si personi i infektuar e kapi virusin.

Banorët do të jenë në gjendje të largohen nga shtëpia vetëm për arsye thelbësore.

Radhët u raportuan në supermarkete ndërsa afrohej bllokimi, raporton BBC, transmeton Shqip.com

Australia po përpiqet të kapërcejë llojin shumë infektiv të Delta, i cili ka rezultuar që dy nga qytetet e saj më të mëdhenj – Sidnei dhe Melburni – të hyjnë në mbyllje të rrepta.

Pjesë të mëdha të New South Wales janë mbyllur, dhe në Victoria ka kufizime të ngjashme në Melburn për të paktën një javë tjetër.

Përforcimet shtesë ushtarake mund të thirren për të siguruar respektimin e rregullave të bllokimit në Sidnei, tha qeveria e shtetit të New South Wales.

“Ne po sigurohemi që të mos lëmë asnjë gur pa lëvizur në lidhje me burimet shtesë (ushtarake),” tha Kryeministri i shtetit Gladys Berejiklian në një konferencë për media.

Rreth 580 personel të armatosur të ushtrisë tashmë po ndihmojnë policinë në zbatimin e urdhrave të karantinës në zonat e Sidneit. /Shqip.com