Ndaj mbretërve ska hakmarrje, ka vetëm përulje

“Mbretërit” dukeshin të dorëzuar në pjesën e parë.

Nuk e bënë asnjë goditje në portë.

Por, titulilin e ngritën falë një djaloshi të quajtur – Vinicius Jr – që është në kulm të karrierës.

Real Madrid është kampion i Evropës për të 14-tën herë në histori.

Madrilienët triumfuan ndaj Liverpoolit me rezultat minimal 1-0.

“The Reds” patën disa mundësi të mirë shënimi, por nuk arritën që të gjejnë rrugën e golit.

Thibaut Courtois ishte në element – duke i shpëtuar madrilienët në disa raste.

Gardiani belg pa asnjë dyshim ishte fytyra kryesore në 45 minutat e parë.

Por, në mundësin e vetëm për të realizuar, Vinicius e tundi rrjetën.

Një shans, një gol.

Pjesa tjetër është histori.

Për të – ky ishte goli i katërt në këtë sezon të Championsit, krahas shtatë asistimeve.

Në anën tjetër “The Reds” mbeten të dëshpëruar edhe një herë.

Edhe një herë u “gjunjëzuan” përball mbretërve./Shqip.com