Murati: Miratohet projektligji për Tatimin në Pronën e Paluajtshme

Ministri i Financave, Hekuran Murati, ka thënë se në mbledhjen e qeverisë u miratua projektligji për ndryshimin dhe plotësimin e Ligjit për Tatimin në Pronën e Paluajtshme.

Tutje, ai ka thënë se, siç edhe kemi paralajmëruar, me këtë projektligj tatimpaguesit mund të përfitojnë nga zbritja e faturave të vitit 2023 deri në shumën 100 euro, apo sa lartësia e faturës.

Postimi i plotë:

Sot në mbledhjen e qeverisë miratuam projektligjin për ndryshimin dhe plotësimin e Ligjit për Tatimin në Pronën e Paluajtshme.

Siç edhe kemi paralajmëruar, me këtë projektligj

tatimpaguesit mund të përfitojnë nga zbritja e faturave të vitit 2023 deri në shumën 100 euro, apo sa lartësia e faturës.

Projektligji gjithashtu parasheh edhe disa masa tjera që lehtësojnë barrën e qytetarëve, por edhe sigurojnë menaxhim më efikas të tatimit në pronë, si:

-lirime tatimore për banimin primar dhe tokën bujqësore;

-kufizim të përllogaritjes së interesit që të mos tejkalojë vlerën e detyrimit tatimor;

-zbritje të shkallës së poshtme tatimore për vitin 2024; dhe

-fillimin e aplikimit të tatimit progresiv nga viti 2025.

Uroj që edhe Kuvendi i Republikës ta trajtojë sa më shpejt në të dyja leximet, në mënyrë që tatimpaguesit të përfitojnë nga zbritja tatimore.