“Mos u ngut, humbe minutin, e jo jetën për minutin” – Policia e Kosovës me fushatë vetëdijësuese

Policia e Kosovës në kuadër të fushatës sensibilizuese, e ka realizuar një video, përmes së cilës ka apeluar te qytetarët për kujdes të shtuar në trafik.

“Mos shkruani porosi gjatë vozitjes”, “Mos u bëni pjesë e statistikave”, janë thirrjet e policisë për qytetarët.

“Mos u ngut, humbe minutin, e jo jetën për minutin. Mos e përdor telefonin gjatë vozitjes, se mund t’ju kushtojë me jetë”, thuhet në mbishkrimin e videos.

Fushatë vetëdijësuese për parandalimin e aksidenteve, së fundmi ka bërë dhe fotografi Marjan Komani.

Përmes një ideje që Komani ka prezantuar, ka kërkuar që vozitësit të kenë kujdes, pasi shpejtësia vret.

“Thirrjet e fundit! Shpejtësia vret! Juve dhe zemrat e atyre që ju presin. Mos i lini thirrjet pa përgjigje. Mos shkaktoni thirrjet e fundit!”, ka shkruar ai në llogarinë e tij në Facebook.