“Mos gënje, se nuk e ke bërë vaksinën”, Mihrije Braha reagon ashpër pas akuzave të ndjekëses
Shqip
Këngëtarja, Mihrije Braha ka ndarë në rrjete sociale një video të saj duke marrë dozën e dytë të vaksinës së Covid-19 pas asaj të parës.
Me këtë rast ajo falënderoi gjithë ekipin mjekësor që ka qenë në vijën e parë të frontit të luftës që nga fillimi i pandemisë e deri më sot, mirëpo pas kësaj një ndjekëse ka dyshuar se këngëtarja nuk e ka marrë vërtetë vaksinën.
“Zonjë e nderuar mos e gënje popullin se e ke moshën që nuk të falet. Ti hiç se ke bërë, veçse paske paguar para me gjet infermiere për të bërë gjoja është duke e bërë. As maskën s’ka ditur të mbaj, asnjë vaksinë nuk bëhet në atë mënyrë. Prandaj mos bëj video kot, sepse po jep një shembull të keq. Me gjithë respektin për ty, por nuk të falet ty të tallesh”, shkruan ndjekësja.
Mihrija nuk e ka pritur këtë mesazh dhe është shprehur shumë e tmerruar nga këto fjalë.
Ajo shkruan se nuk do e publikonte kurrë videon, por pasi që pash që po vdesin vetëm të pa vaksinuarit bëra një gjë të tillë.
Mihrija ka deklaruar se është mirë së çdo person të vaksinohet por tek e fundit është veprim që çdo kush e merr për vetën e tij.
“E nderuar as nuk kam gënjyer, as nuk jam tallur e aq më tepër me më shku mendja me pagu dikend me bo ksi gjërash që po besoj veç ti i mendon kështu. Tmerruese është kjo çfarë ti mendon unë e kam marrë dhe dozën e dytë para 10 ditëve këtë video e kam bo veç për veti jo për ta publiku… dje u mërzita shumë kur i pashë lajmet dhe se po vdesin vetëm ata të pavaksinuarit e këtë video pas 10 ditësh e ndava me ndjekësit e mi dhe për ata që ende janë me dilema. Vaksinën e kam marrë dhe nuk kam pas as edhe një problem e ju vendosni vetë për veten tuaj. Zoti ju ruajt kudo që të jeni në këtë kohë të vështirë të pandemisë”, është përgjigjur këngëtarja.
Në anën tjetër, projekti i fundit i Mihrije Braha është bashkëpunimi me Bajram Dobrën i lansuar gjashtë muaj më parë.
