Miratohet rezoluta e AAK-së për Projektligjin për zyrtarët publikë
Shqip
Kuvendi i Kosovës ka arritur që të miratojë rezolutën e Aleancës për Ardhmërinë e Kosovës lidhur me Projektligjin për zyrtarët publikë.
Me 72 vota pro, asnjë kundër dhe asnjë abstenim, Kuvendi i Kosovës ka miratuar rezolutën përmes së cilës i kërkon Qeverisë së Kosovës që deri më 15 tetor ta dërgojë në Kuvend për miratim Projektligjin për zyrtarët publikë.
Miratimi i rezolutës është bërë pas interpelancës me ministrin e Punëve të Brendshme dhe Administratës Publike.
Kuvendi po vazhdon punimet e seancës së sotme me pikat e tjera të rendit të ditës./Shqip.com
