Miqtë e vjetër takohen sonte në “Parkun e Princave”
Njëherë e një kohë të dy së bashku e “sundonin” futbollin në Evropë dhe kabinetet e Barcelonës i kishin mbushur me trofe.
Por, sonte me fillim nga ora 21-00 Pep Guadiola dhe Leo Messi do të jenë kundërshtarë, pasi shorti i Ligës së Kampionëve ka vënë përballë Machester City-n dhe PSG-në, shkruan Shqip.com.
Në “Parkun e Princave” presioni për fitore është tejet i madh, pasi në gjiron e parë ishin ndarë me rezultat të barabartë 1-1 ndaj Club Brugge.
Në anën tjetër, Machester City vijnë nga një fitore e thellë 6-3 që ja kanë shkaktuar Leipzigut.
Por, si qëndrojnë këto dy ekipe në ligat përkatëse?
“Qytetarët” janë duke kaluar nëpër një formë fenomenale në ishull ku pozicionohen në vendin e 13-të në tabelën klasifikuese me vetëm një pikë më pak se Liverpooli që është lider.
Në gjiron e fundit, Kampionët e Anglisë kanë regjistruar një fitore tejet të rëndësishme, pasi e mposhtën Chelsean me rezultat të pastër 2-0.
Edhe këtë sezonë njëjtë si në seoznën paraprake, njeriu më në formë është Ruben Dias i cili është shndërruar në lider të repartit defanziv.
Ndërsa, në anën ofanzive futbollisti më efektiv është Riyad Mahrez i cili ka shënuar katër gola dhe ka regjistruar dy asistime.
Në anën tjetër, PSG-ja ka bilanc të 100 % të fitoreve në Ligue 1 ku ka regjistruar tetë fitore në tetë ndeshje të zhvilluara. Ata kanë grumbulluar gjithsej 24 pikë, nëntë më shumë se Lens që gjendet në vendin e dytë.
Futbollisti më formë i parisienëve është Kylian Mbappe që e ka tundur rrjetën katër herë, ndërsa ka edhe dy asistime.
Po aq gola ka shënuar edhe Ander Herrera i cili luan si mesfushor.
Një lajm i mirë për nënkampionët e Francës është rikthimi i Leo Messit nga lëndimi, pasi në ndeshjen e fundit në Ligue 1 ai kishte munguar për shkak të një lëndimi në gju.
Messi deri me tani ka zhvilluar tre ndeshje me PSG-në, ndërsa ende nuk e ka gjetur rrugën deri te goli ose asistimi.
Hera e fundit kur Leo dhe Guardiola ishin vënë përballë njëri-tjetrit ishte viti 2015, kur Barcelona e kishte eleminuar Bayern Munchen në gjysmëfinalen e Ligës së Kampionëve./Shqip.com