MINT publikon çmimet e derivateve, benzina 2 cent më lirë
Shqip
Ministria e Industrisë, Ndërmarrësisë dhe Tregtisë (MINT) ka publikuar çmimet tavan për shitjen e derivateve për ditën e mërkurë.
Sipas njoftimit, çmimi maksimal i lejuar i gazit ka mbetur i njëjtë 0.78, benzina është liruar për 2 cent, ndërsa nafta ka mbetur me çmim të njëjtë.
Çmimet e lartcekura vlejnë për datën 20/07/2022 prej orës 10:00 dhe janë valide 24 orë nga data dhe ora e publikimit.
Qeveria e Kosovës përmes një rregulloreje ka vendosur për vlerën se sa mund të fitojnë kompanitë e shitjes së derivateve.
Fitimi është 12 centë për shitjet me pakicë, ndërsa 2 centë për shitjet me shumicë.
Shoqata e Naftëtarëve të Kosovës i ka dërguar letër Qeverisë së Kosovës me anë të së cilës kërkojnë që marzha të caktohet duke u bazuar në nivelet e çmimeve aktuale.
Kryetari i kësaj shoqate, Fadil Berjani e kishte quajtur “kalkulim të gabuar”, përcaktimin e marzhës së fitmit nga ana e MINT-it./Shqip.com
