Ministria publikon çmimet e derivateve për 24 orët e ardhshme
Shqip
Ministria e Industrisë, Ndërmarrësisë dhe Tregtisë ka publikuar limitin për çmimet e derivateve për 24 orët e ardhshme.
Çmimi i lejuar për dizel është 1.76 për litër, ndërsa ai për benzinë 1.40 për litër.
Si dhe, çmimi maksimal i lejuar i produktit Gas është: 0.76 € për litër.
Çmimet e lartëcekura vlejnë për datën 03/09/2022 prej orës 10:00 dhe janë valide 24 orë nga data dhe ora e publikimit.
Ditë më parë, nga kjo ministri kanë njoftuar se kanë përcaktuar masa të reja mbrojtëse për produktet e naftës.
Sipas njoftimit thuhet se marzha tregtare maksimale e lejuar e shitjes me shumicë është dy centë për litër. Ndërsa çmimi maksimal i lejuar i shitjes me pakicë është 12 centë për litër.
Këto masa do të mbeten në fuqi për 30 ditë./SHQIP.com
