Ministria e Drejtësisë hap afatin e aplikimit për Provimin e Jurisprudencës

Ministria e Drejtësisë e ka shpallur afatin për aplikim për ata që duan ta japin Provimin e Jurisprudencës.

Sipas njoftimit nga ana e Ministrisë së Drejtësisë, afati i aplikimit do të jetë prej datës 20 mars e deri 27 të këtij muaji.

“Ftohen të gjithë kandidatët e interesuar, të cilët dëshirojnë që të aplikojnë për dhënien e Provimit të Jurisprudencës që do të mbahet në muajin Maj 2023, se: Afati për dorëzimin e Kërkesës dhe dokumentacionin përkatës për aplikim për Provim të Jurisprudencës fillon prej datës 20 – 27 Mars 2023”, thuhet në njoftimin e Ministrisë së Drejtësisë.

Provimi i Jurisprudencës do të mbahet në muajin maj.