Ministri Peci nënshkruan Programin për Pagesa Direkte, fermerët do të subvencionohen me rreth 50 milionë euro

Ministri i Bujqësisë, Pylltarisë dhe Zhvillimit Rural, Faton Peci ka nënshkruar të premten Programin për Pagesa Direkte – Subvencione për vitin 2021, përcjell Shqip.com.

Sipas njoftimit, përkrahja financiare vetëm për këtë vit kalendarik për fermerët në kategorinë e subvencioneve arrin vlerën e rreth 50 milionë eurove.

“Sapo nënshkruva Programin e Pagesave Direkte / Subvencioneve për vitin 2021 i cili do të jetë një përkrahje për të gjithë fermerët të cilët përmes këtij programi do ta kenë mundësinë e ushtrimit dhe zgjërimit të aktiviteteve të tyre bujqësore dhe blegtorale, në dobi të komunitetit dhe zhvillimit ekonomik të vendit”, u shpreh Ministri Peci me rastin e nënshkrimit të programit.

Ministria e Bujqësisë bën të ditur se kanë mbetur tashmë vetëm procedurat ligjore dhe administrative, deri tek hapja e aplikimit./SHQIP.com