Ministri i Brendshëm i Shqipërisë takon shefin e EULEX-it, flasin për gjendjen në veri
Publikuar:
(19.12.2022 20:26:21)
Veriu i Kosovës dhe situata aktuale në atë pjesë të vendit ishte tema kryesore e takimit midis Ministrit të Punëve të Brendshme të Shqipërisë, Blendi Çuçit dhe shefit të EULEX-it, Lars-Gunnar Wigemark.
Kështu ka bërë të ditur vet Çuçi përmes një postimi në Twitter.
“Pata sot një bisedë me ambasadorin LarsGWigemark , kreun e misionit EULEX , me të cilin ndamë shqetësimin për situatën e krijuar së fundi në veri të Kosovës”, ka shkruar Çuçi.
Ndërkohë Wigemark ka shkruar : “Faleminderit Ministër i Brendshëm Blend Çuçi, për një diskutim të dobishëm dhe miqësor sot në Tiranë për shtetin e së drejtës dhe situatën e sigurisë në rajon”.
Sot u bënë dhjetë ditë që nga vendosja e barrikadave në veri të Kosovës.
/Shqip.com