Milanoviq: Ne me ndërkombëtarët e aneksuam Kosovën nga Serbia

Presidenti i Kroacisë, Zoran Milanoviq ka folur lidhur me marrëdhëniet e shtetit të tij me Serbinë e  kështu duke përmendur edhe Kosovën.

Në një konferencë për media, Milanoviq ka thënë që së bashku me komunitetin ndërkombëtar kanë aneksuar Kosovën nga Serbia.

“Deri kur do ta kuptoni se Serbia dhe Rusia janë njësoj? Ky është fatkeqësisht një fakt i dhimbshëm dhe një rrezik. Ne e aneksuam Kosovën. Ne dhe komuniteti ndërkombëtar. Ajo u aneksua nga Serbia. Kush e bëri këtë pos nesh? A e njohëm ne Kosovën? Nuk është aneksim, por rrëmbim. Kjo nuk e vë në dyshim Kosovën, por i gjithë koncepti,” tha Milanoviq, raporton Index.hr.

Milanoviq ka folur edhe për Ukrainën duke thënë se ukrainasit kanë një urrejtje patologjike për rusët.

“Ukrainasit i urrejnë rusët në mënyrë patologjike, ky është një fakt. Kroatët nuk i urrenin serbët aq sa ata rusët”.

Madje, Milanoviq ka folur edhe për luftën e Rusisë në Ukrainë.

“Ne po hyjmë më thellë në konfliktin me superfuqinë. E di se si përfundojnë duke humbur luftën? Kështu që ata përfundojnë duke përdorur armë bërthamore. Emocionet e çmendura dhe urrejtja po e shpien Evropën në diçka me të cilën nuk do të jetë në gjendje të merret,” tha ai, duke shtuar se po përpiqej të hapte sytë e të tjerëve sepse “ne po shkojmë në luftë me një superfuqi.”

Tutje, presidenti kroat tha se deri dje Putin ishte i mirë dhe Rusia ishte në rangun me të lartë të politikës gjermane, por sot janë armiqtë më të mëdhenj.