Milani rimerr kryesimin e Serie A
Shqip
Vetëm pakë orë pasi Interi doli në vendin e parë, duke fituar kundër Spezia, por Milani ka reaguar menjëherë.
“Rossonerët” rimorën vendin e parë pas një fitore bindëse kundër Genoas.
Ndeshja e zhvilluar në “San Siro” përfundoi me rezultat 2:0 në të mirë të vendasve.
Milani e filloi ndeshjen më mirë, duke e zhbllokuar rezultatin që në minutën e 11-të me golin e Rafael Leaos.
Rewatching this cross from Kalulu 😍#MilanGenoa pic.twitter.com/Yjk1V5RqdT
— Inside Milan (@_InsideMilan) April 15, 2022
Pavarësisht rasteve të shumta skuadra e Stefano Piolit, nuk e siguroi fitoren deri në minutat e fundit të ndeshjes.
Junior Messias shënoi në minutën e 87-të për rezultatin përfundimtar të ndeshjes 2:0.
Tani Milani gjendet në vendin e parë me 71 pikë, dy më shumë se Interi që është në pozitën e dytë.
Nga ana tjetër Genoa është në vendin e 19-të me vetëm 22 pikë të grumbulluara./Shqip.com
