Milani – lider i ri në Serie A
Serie A e ka një lider të ri.
AC Milan ka shënuar fitore 1-0 ndaj Sampdorias, për të bërë “luftën” për titull edhe më interesante.
Ani pse ishin pa Zlatan Ibrahimovic, rosonerët arritën që të arkëtojnë pikët e plota.
Golin e parë dhe të vetëm – në këtë takim e realizoi Rafael Leao, pas vetëm 7 minutave lojë.
Për sulmuesin portugez – ky ishte goli i shtatë në këtë kampionat të Series A – krahas tri asistimeve.
Deri në përfundim të takimit – mysafirët u përpiqen me çdo kusht që ta barazonin rezultatin, por nuk arritën që të bëjnë diçka të tillë.
Tashmë, kuqezinjët kanë 55 pikë dhe gjenden në vendin e parë të Series A.
Një pikë më shumë se Interi që gjendet në vendin e dytë, por neurazurët kanë një takim më pak të zhvilluar.
Deri në fund të Series A, Milani ka edhe 13-të “finale” – ku duhet të rrëmbejë rezultate pozitive.
Në anën tjetër, Samporia po e kalon një sezon për tu harruar, pasi pozicionohet në vendin e 16-të, me vetëm 23 pikë. /Shqip.com