Miftaraj: Askush nuk po e pret nënshkrimin e marrëveshjes

Drejtori ekzekutiv i Institutit të Kosovës për Drejtësi, Ehat Miftaraj, tha se sot askush nuk po e pret nënshkrimin e marrëveshjes dhe planit të veprimit.

Përmes një statusi në Facebook, Miftaraj ka shkruar rreth takimit të kryeministrit Kurti me presidentin Aleksandar Vuçiq.

Ai tha se sot askush nuk po e pret nënshkrimin e Marrëveshjes dhe planit të veprimit, madje as dy emisarët e posaçëm dhe Borrell.

Miftaraj shtoi se ky nënshkrim mbase do të ndodhë me ndonjë event madhor në Paris, ku të pranishëm do të ishin liderë francezë, gjerman, italian dhe sekretari Blinken.

“Askush sot s’po pret nënshkrimin e Marrëveshjes dhe planit të veprimit, as Eskobar, Lajçak e as Borell. Sot të gjithë po presin pajtimin lidhur me tekstin final te marrëveshjes dhe planit të veprimit. Kaq mjafton. Nënshkrimi mbase në një event madhështor në Paris. Edhe atë në prani të liderëve francezë, gjermanë, italianë dhe në sigurisht, të garantuesit kryesor, sekretarit Blinken. Me rëndësi që Kosova të jetë konstruktive dhe të vazhdoj përpara me marrëveshjen dhe planin e veprimit”, shkroi Miftaraj.