Mësohet titulli dhe data e publikimit të bashkëpunimit të Elvanës me Capital T
Shqip
Capital T dhe Elvana Gjata kanë bashkuar forcat për bashkëpunimin e radhës.
Kjo u bë e ditur përmes postimeve të dyshes në rrjete sociale, ku edhe kanë zbuluar disa detaje nga projekti me i ri i tyre.
Bashkëpunimi titullohet ”Zemër a je gati” dhe do të publikohet të premten në orën 23:59.
Ndryshe ky është bashkëpunimi i dytë i tyre, pasi ai i pari është realizuar para dy vite.
“Fustani” ishte titulli i këngës, e cili deri më tani numëron mbi 42 milionë klikime në platformën “Youtube”.
Në anën tjetër, Capital T së fundi është përfolur se është fejuar me modelen, Adrola Dushi, por që me pas është mohuar nga reperi.
“Kur të fejohem në të vërtetë më bëni urime. Kjo fotografi u postua nga stafi im të cilët e menaxhojnë faqen time. Ju faleminderit”, ka shkruar ai./SHQIP.com
