Memli Krasniqi: PDK shpëtoi rreth 450 mijë familje nga shtrenjtimi i rrymës

Kryetari i Partisë Demokratike të Kosovës, Memli Krasniqi ka reaguar pas vendimit të Gjykatës së Apelit e cila ka refuzuar ankesën e Zyrës së Rregullatorit të Energjisë si dhe ka vërtetuar vendimin e Gjykatës Themelore në Prishtinë në lidhje me tarifat e shtrenjta të energjisë elektrike,

Krasniqi është shprehur i lumtur për vendimin.

Ai ka thënë se PDK ka “shpëtuar 450 mijë familje kosovare “ nga shtrenjtimi i energjisë elektrike.

“Rritja e çmimit të energjisë elektrike për familjet kosovare nga ana e Qeverisë dhe ZRRE-së, ka qenë vendim i padrejtë dhe i paarsyeshëm. Sot, kemi mirëpritur vendim e Gjykatës së Apelit, përmes së cilit është ri konfirmuar se ai vendim ka qenë edhe i kundërligjshëm”, ka shkruar Krasniqi në “Facebook”.

Krasniqi tha se është shumë i lumtur që “qëndrimi parimor i PDK-së për ligjshmëri e në mbrojtje të të drejtave të qytetarëve si konsumatorë”, sot i ka lehtësuar nga barra e atij vendimi rreth 450 mijë familje kosovare.

“Njëkohësisht, jam shumë falënderues ndaj të gjithë atyre që kanë besuar në këtë kauzë, të cilën ne e kemi ndjekur ligjërisht për të mbrojtur interesin publik dhe qytetarët si konsumatorë”, tha ai.

Krasniqi tha se partia e tij do të qëndrojë në anën e qytetarëve kundër çdo “vendimi të kundërligjshëm e të padrejtë të pushtetit”.

Theksojmë se PDK kishte dorëzuar lëndën në Gjykatë Themelore në Prishtinë. e cila i dha të drejtë dhe tani vendimi i Gjykatës së Apelit ka rikonfirmuar atë.

Në anën tjetër nga ZRRE kanë deklaruar se e kanë pranuar vendimin e Apelit dhe se do të ndërmarrin veprime ligjore për zbatim./Shqip.com