Mehaj: Luan Haradinaj ishte njëri ndër prijetarët kryesor të UÇK-së
Shqip
Ministri i Mbrojtjes së Kosovës, Armend Mehaj ka përkujtuar 25 vjetorin e rënies së Luan Haradinaj.
Mehaj përmes një postimi në Facebook ka shkruar se Luani ishte njëri ndër prijetarët kryesor të Ushtrisë Çlirimtare të Kosovë.
“Sot në 25 vjetorin e rënies heroike, kujtojmë e nderojmë Gjeneral Luan Haradinaj, njërin ndër prijetarët kryesor të Ushtrisë Çlirimtare të Kosovës. Zjarri i pushkës dhe gjaku i tij i derdhur në kufirin e vënë dhunshëm të Kombit dhe Atdheut nuk u ndalën deri në fitoren e Lirisë dhe Pavarësisë që sot e gëzojmë”, ka shkruar ai.
Luan Haradinaj ra dëshmor më 6 Maj të vitit 1997 gjatë luftimeve me forcat serbe në Qafë Prush./Shqip.com
