Lajme

Mehaj: Ligji tani rregullon çështjen e sigurimit shëndetësor për ushtarët me mision jashtë Kosovës

Uniforma e ushtarëve të FSK-së

Ministri i Ministrisë së Mbrojtjes së Kosovës, Armend Mehaj ka njoftuar se për ushtarët e Kosovës të cilët do shërbejnë jashtë vendit është rregulluar çështja e sigurimit shëndetësor si dhe përkujdesi ndaj familjes së tyre gjatë misionit.

Përmes një postimi në Facebook, Mehaj ka thënë se kjo ka ndodhur me miratimin e Ligjit për Dërgimin e Forcës së Sigurisë Jashtë vendit.

“Si asnjëherë më parë ushtarakët tanë kanë marrë pjesë në qindra misione jashtë vendit, tani me miratimin e Ligjit për Dërgimin e Forcës së Sigurisë Jashtë Vendit kemi krijuar dhe bazën ligjore përmes së cilës rregullohen procedurat e dërgimit dhe tërheqjes së ushtarëve tanë në operacione ndërkombëtare humanitare, misione paqeruajtëse, stërvitje dhe ushtrime të tjera ushtarake përkrah shteteve partnere, e po ashtu kemi rregulluar dhe çështjen e sigurimit shëndetësor për secilin ushtar në shërbim jashtë vendit, si dhe përkujdesin ndaj familjes së tyre përgjatë misionit”, shkroi Mehaj.

Ministri i Mbrojtjes, Armend Mehaj

Mehaj tha se janë të përkushtuar për të përmbushur standardët për të qenë shtet anëtar në NATO si dhe përgatitja profesionale e ushtrisë së Kosovës është objekt i tyre./Shqip.com

Shqip.com
Çmimet e derivateve në Kosovë Çmimi maksimal i lejuar për secilin produkt të naftës.
  • Dizel: 1.58
  • Benzine: 1.34
  • Gas: 0.75
Sot : 24/09/2022