Me lejen e Bilall Kasamit? Vendosen bustet e heronjve maqedonas në Tetovë – në 2007 i largoi Hazbi Lika

Në qytetin e Tetovës pas 17 vitesh në oborrin e muzeut është ndërtuar një bazament nga betoni ku janë vendosur bustet e heronjve maqedonas të cilët ishin larguar nga sheshi i qytetit në vitin 2007 kur me komunën e Tetovës menaxhonte komandanti i UÇK-së, Hazbi Lika- i njohur si komandant Qela.

Mediat maqedonase kanë raportuar se ata janë vendosur në oborrin e muzeut të Tetovës dhe e gjithë kjo po ndodhë larg syve të opinionit ndërsa nga komuna nuk kanë sqaruar nëse këto buste kanë leje për ndërtim apo të njejtit do ta kenë fatin e kryqit në kodrën e diellit.

Bustet e heronjve maqedonas Gjoce Stojçevsku Ambarçe dhe Todor Cipovski Merxhan, që u larguan nga qendra e qytetit në 2007 janë vendosur përkohësisht në Muzeun e Tetovës ku do të mund t’ju jepet respekt i vazhdueshëm.

Ata janë vendosur në oborrin e vet muzeut në lagjen “Dy bredhat” mbi një mbajtëse të fortë.

Këto dy buste ishin larguar nga ana e Komunës së Tetovës në vitin 2007 nga sheshi i Tetovës pa asnjë vendim për shkak të rekonstruimit të sheshit të qytetit.

Atëher nga ana e pushtetit lokal theksuan se bustet do të ktheheshin.

Por pas 17 vitesh heronjtë maqedonas nuk u kthyen në sheshin e qytetit edhe përkundër kërkesave të Lidhjes së luftëtarëve, më shumë shoqatave dhe partive. Top24