“Më ike ditën që më linde”, Flori Mumajesi kujton të ëmën e ndjerë me një foto të rrallë
Shqip
Flori Mumajesi ka kujtuar nënë e tij përmes një postimi prekës.
Ai në shkurt të vitit të kaluar ka bërë të ditur lajmin për vdekjen e nënës, mirëpo tashmë ka zbuluar një detaj tjetër.
Ai ka thënë se nëna e tij ka vdekur në ditën e tij të lindjes, ndërsa thotë se “nuk e di a është më ditëlindja ime në datën 23”
“Nëpërmjet muzikës kam ndarë ndër vite copëza shpirti, prej kohësh nuk e bëj më, mbase prandaj e ndjeva kaq të nevojshme ta ndaja edhe aq shpirt sa më ka mbetur me këtë foto dhe pikërisht sot! Sot u zgjova djersitur dhe sa bëra të çohem nga krevati më erdhi era Loke, era mushe, era mam, era që më ka rritur, era jetë, era që vdisja ta nuhasja duke zhytur kokën në qafë, era më e mirë në botë.
Më mungon është pak ta them, çdo ditë të kam para syve si luftove duke më shtrënguar dorën deri në frymën e fundit. Asnjë urim s’ma mbush dot shpirtin kur s’e kam një telefonatë nga ty, një mesazh! Më ike ditën që më linde mushe, nuk e di a është më ditëlindja ime në datën 23.”, ka shkruar Flori.
Ndryshe Flori sa i përket jetës private është shumë i mbyllur, ku rrallë herë zbulon detaje./SHQIP.com
