MD suspendon nga puna përmbaruesin privat, Ilir Mulhaxhën

Ministria e Drejtësisë ka suspenduar nga puna përmbaruesin privat Ilri Mulhaxha.

Kjo është bërë e ditur nga zëvendësministri i Ministrisë së Drejtësisë, Blerim Sallahu i cili publikoi edhe vendimin.

Sallahu tha se përmbaruesi deri pasnesër do ta përmbaronte një borxh mbi 6 milionë euro të llogaritur gabimisht të Telekomit.

“Në bazë të kompetencave ligjore, sapo nënshkrova Vendimin për suspendimin e përmbaruesit privat që deri pasnesër do ta përmbaronte një borxh mbi 6 milionë euro (të llogaritur gabimisht) të Telekomit”, shkroi Sallahu.

Tutje, Sallahu tha se ka kaluar koha kur financat e Telekomit shërbenin si plaçkë për t’i pasuruar orkestruesit e tenderëve që lidheshin qëllimisht në disfavor të Kompanisë.