Mbi 100 afganë largohen nga Kosova drejt ShBA-së
Shqip
Mbi 100 afganë që kanë qëndruar përkohësisht në Kosovë, mëngjesin e së premtes janë nisur drejt Shteteve të Bashkuara të Amerikës.
Lajmin e ka bërë të ditur Ambasada Amerikane në Prishtinë, e cila ka falënderuar Kosovën për bujarinë dhe mikpritjen.
“Mëngjesin e sotëm, fluturimi i katërt u nis nga Kosova me mbi 100 afganë të cilët së shpejti do të fillojnë një jetë të re në SHBA. Faleminderit Kosovë për bujarinë dhe mikpritjen tuaj”, thuhet në postimin e ambasadës në Twitter.
Edhe zëvendësndihmës sekretarja, Molly Montgomery, ka falënderuar Kosovën për pritjen që u ka bërë afganëve./SHQIP.com
(2/2) Just this morning, a 4th flight departed Kosovo, with over 100 Afghans who will soon start new lives in the U.S. Thank you Kosovo for your generosity & hospitality. 🇺🇸🇽🇰 pic.twitter.com/Q7da9oK6L3
— U.S. Embassy Pristina (@USEmbPristina) November 5, 2021
Kosova i kishte pranuar këta refugjatë pas kërkesës së Shteteve të Bashkuara të Amerikës.
Kjo pasi, pas ardhjes në pushtet të talebanëve ishte rritur dyshimi se bashkëpunëtorët e Amerikës në Afganistan do të persekutohen nga grupi militant. /Shqip.com
