“MBA” – simbol i ankthit për mbrojtësit në Superligën e Kosovës
Publikuar:
(10.09.2022 22:38:23)
Në Mitrovicë zbarkoi pa shumë zhurmë.
Por, në fushën e gjelbër po flasin golat për të.
Sulmuesi i Trepçës 89, Christian MBA është njeriu i momentit në Superligën e Kosovës.
Këmbëshpejti – ka shënuar pesë gola – në gjashtë ndeshje të zhvilluara.
Më së shumti – në elitën e futbollit kosovar.
MBA – e tundi rrjetën sot – dy herë ndaj Drenicës – për të treguar që forma e tij nuk është rastësi.
Dy herë kishte shënuar edhe në xhiron e kaluar kundër FC Dritës – kur edhe u shpall “Ylli i Javës” në Superligën e Kosovës.
22 vjeçari është nga Nigeria – teksa me Trepçën 89 u bashkua në këtë merkato të verës.
Sa i përket formës ekipore, “xehtarët’ gjenden në vendin e gjashtë në tabelë – me pesë pikë të grumbulluara./Shqip.com
