Marrëveshja me kishën serbe, Abazoviqit i del kundër partia e Gjukanoviqit
Partia e Gjukanoviqit pritet të mos e mbështesë Dritan Abazoviçin në lidhje me marrëveshjen për kishën serbe.
DPS e Malit të Zi do të refuzojë mbështetjen për qeverinë e kryeministrit Dritan Abazoviq, është vendosur në seancën e sotme të Kryesisë së asaj partie. Kjo u bë e ditur zyrtarisht pas seancës, raporton medium rtcg.
Zyrtari i DPS-së, Jevto Erakoviq, tha se Qeveria nuk ka më mbështetjen e Partisë Demokratike të Socialistëve.
“Qeveria e Dritan Abazovicit nuk e ka më mbështetjen tonë sepse për DPS-në prioritet është, ishte dhe mbetet axhenda evropiane. Ne e mbështetëm qeverinë pa kalkulime, duke besuar se BE-ja është qëllimi ynë i përbashkët. Tani që, për fat të keq, është e qartë se nuk është kështu, përsëri pa kalkulime vazhdojmë të luftojmë për të njëjtin qëllim”, ka shkruar Erakoviq në Twitter.
Të premten, qeveria malazeze e drejtuar nga Dritan Abazoviq miratoi Marrëveshjen Themelore, e cila duhet të rregullojë marrëdhëniet ndërmjet Malit të Zi dhe Kishës Ortodokse Serbe.
Nga 18 ministra të pranishëm, 13 prej tyre votuan pro ndëra 5 abstenuan./Shqip.com
Vlada Dritana Abazovica nema više našu podršku jer je za DPS prioritet, bio i ostaje, Evropska agenda. Bez kalkulacija smo podržali vladu vjerujući da nam je EU zajednicki cilj. Sada kada je nažalost jasno da nije tako, opet bez kalkulacija nastavljamo da se borimo za isti cilj.
— Jevto Eraković (@drJevtoErakovic) July 10, 2022