Macron takohet me Musk, pak orë pasi kishte kritikuar përmbajtjen e rrjeteve sociale
Një ditë pasi kishte shprehur shqetësimin për përmbajtjen e rrjeteve sociale dhe nevojës për të monitoruar më shumë, presidenti francez, Emmanuel Macron ka zhvilluar një takim me pronarin e rrjetit social Twitter, Elon Musk.
Macron përmes një cicërime, ka shkruar se me Musk ka zhvilluar një bisedë e qartë dhe të sinqertë.
“Një politikë transparente ndaj përdoruesve, një forcim i konsiderueshëm i kontrollit të përmbajtjes dhe mbrojtja e lirisë së fjalës – këto janë gjërat që Twitter duhet të përmbushë në mënyrë që të jetë në përputhje me rregulloret evropiane”, shkroi Macron në Twitter.
Udhëheqësi i Francës, është duke qëndruar për vizitë në SHBA dhe në një intervistë për emisioniin “Mirëmëngjesi Amerikë”, ka theksuar se duhet të ketë përgjegjësi dhe kufij për lirinë e fjalës.
Kujtojmë, se para disa ditësh, Musk kishte thënë se do të riaktivizohen llogaritë e çaktivizuara që ishin mbyllur nga menaxhmenti i kaluar, me kusht që përdoruesit të mos shkelin ligjin.
Në tetor të këtij viti, Musk e ka blerë Twitterin, për 44 miliardë dollarë.
/Shqip.com