Liverpool sfidon Real Madridin për Tchouamenin
Shqip
Aurelien Tchouameni është ndër talentët më të vlerësuar në botën e futbollit aktualisht.
Francezi i ri ka zënë vend në ekipin e Monacos dhe është startues i padiskutueshëm për trajnerin Philippe Clement.
22 vjeçari ka tërhequr vëmendjen e shumë ekipeve europiane, përfshi Real Madridin dhe Liverpoolin, me këta të fundit që po tentojnë të kapin talentin nga madrilenët, raporton “Goal”.
“Los Blancos” ishin të parët që kishin interesim serioz për të, por tani edhe klubi anglez ka hapur bisedimet rreth një lëvizje të tij në Premierligë.
Ekipi i udhëhequr nga Klopp ka nevojë për një mesfushor të ri për të adhmen, pasi lojtarët si Henderson që është në plakje dhe Keita që nuk është konsistent shkaku i lëndimeve – nuk garanojnë shumë.
Teksa, përveç ligës franceze, mesfushori ka arritur të bëjë performanca të mira edhe me Kombëtaren e Francës.
Ai po ashtu është i dëshmuar edhe në arenën ndërkombëtare me klubin, përkatësisht në Europa Ligë ku pati paraqitje mbresëlënëse me topat e fituar në mesfushë.
Ish-lojari i Bordeaux ka kontratë me AS Monacon deri në qershor të vitit 2024.
Vlera e tij në treg kap shifrën e 40 milion eurove, sipas “transfermarkt”. /Shqip.com
