Zelensky bën thirrje për bojkot të naftës ruse
Publikuar:
(07.03.2022 13:39:48)
Presidenti ukrainas, Volodymyr Zelensky po bën thirrje për më shumë sanksione kundër Rusisë.
Duke folur në konferencën e tij ditore, Zelensky thotë se pushtimi i vazhdueshëm tregon se “Rusia nuk ka braktisur planet e saj kundër Ukrainës”, shkruan BBC.
Ai po ashtu shton se “ne kemi nevojë për një paketë të re sanksionesh”.
Zelensky bën gjithashtu – thirrje për “bojkot të eksporteve ruse, në veçanti refuzimin e naftës dhe produkteve të naftës nga Rusia”.
Ai shton se këto masa më të ashpra “mund të quhen embargo”.