Rusia kërkon të mobilizojë fshehurazi 60 mijë rezervistë

Rusia ka filluar një mobilizim të fshehtë të rezervistëve, pretendon ushtria e Ukrainës në buletinin e saj të fundit të lajmeve në orën 04:00, më 4 prill.

“Gjatë përzgjedhjes së kandidatëve, përparësi u jepet atyre që tashmë kanë përvojë luftarake”, thuhet në raport, duke identifikuar pesë rajone ruse dhe zonat kryesore të synuara, shkruan BBC.

Ai shton se Moska shpreson të mobilizojë rreth 60 mijë trupa shtesë.

Rusia nuk e ka komentuar raportin ukrainas, saktësia e të cilit nuk është verifikuar në mënyrë të pavarur.

Megjithatë, presidenti rus Vladimir Putin në fillim të muajit të kaluar kishte thënë se nuk do të dërgonte rekrutët ose rezervistët për të luftuar në Ukrainë. /Shqip.com