Dikur cirk për argëtimin e fëmijëve tani qendër e “refugjatëve”
Në të kaluarën cirku në qytetin e Zaporizhzhia në Ukrainë ishte vendi ku mblidheshin fëmijët dhe të rriturit të cilët argëtoheshin me performancat e ndryshme të cilat ndodhnin në skenë.
Ky vend kaq i dashur tani është shndërruar në një qendër për pritjen e “refugjatëve”.
Në këtë objekt priten që të vendosen mijëra ukrainas të cilët dëshirojnë të largohen nga Mariupoli dhe Volnovakha.
Këto dy qytete janë vënë në shënjestër të sulmeve ruse.
Korrespondentja e BBC, Sarah Rainsfor, ka dërguar disa foto brenda cirkut në Zaporizhzhia.
Dyshekët janë vendosur në dyshemenë e cirkut poashtu janë shpërndarë edhe rrobat dhe batanijet.
Por evakuimi masiv nuk ka ndodhur ende.
Pasi armëpushimi u shkel nga forcat ruse të cilët granatuan sërish Mariupolin.
Korridori i gjelbërt i cili ishte paraparë për civilët tani nuk është i sigurtë. Cirku ishte ndërtuar në vitin 1972.
Në Ukrainë janë duke vazhduar luftimet ndërmjet trupave qeveritare dhe trupave ruse. /Shqip.com