Lista Serbe pas emërimit të Rashiqit si ministër: Do ta ankimojmë në Gjykatën Kushtetuese

Nenda Rashiq nga dita e sotme do të jetë pjesë e qeverisë Kurti 2.

Ai do të udhëheqë me Ministrinë për Komunitete dhe Kthim, pas dorëheqjes së Goran Rakiq.Kjo është bërë e ditur përmes një njoftimi për media nga zyra e kryeministrit.

Lidhur më këtë ka ardhur edhe reagimi nga Lista Serbe.

Lista serbe bëri të ditur se vendimi antikushtetues për emërimin e Nenad Rashiqit Ministër për Komunitete dhe Kthim në Qeverinë e Prishtinës, pa pëlqimin e deputetëve serbë, është shembulli më i mirë i veprimit autokratik, diktatorial, antikushtetues, ilegal dhe anti- Veprimet serbe të kryeministrit të Kosovës Albin Kurti.

“Konkretisht, me këtë emërim, Albin Kurti ka shkelur nenin 96, paragrafin 5 të Kushtetutës, ku thuhet se për emërimin e një ministri nga radhët e popullit serb, i cili nuk është deputet, duhet pëlqimi i shumicës së deputetëve serbë, të cilën Albin Kurti nuk e ka bërë, e as Rashiq nuk e ka mbështetjen e deputetëve tanë”, thuhet në reagim.

Ata shtojnë se kundër lëvizjes diktatoriale të Albin Kurtit, deputetët e Listës Serbe do të bëjnë ankesë në Gjykatën Kushtetuese, e cila do të duhet të konfirmojë pa vonesë se është shkelje e kushtetutës dhe shkelje e të drejtave të popullit serb.