Lista Serbe ka dy kërkesa për tërheqjen e protestuesve
Publikuar:
(29.05.2023 10:48:15)
Kryetari i Listës Serbe, Goran Rakiq, ka njoftuar se ua ka përcjellë dy kërkesa përfaqësuesve të KFOR-it dhe ambasadorëve të huaj në Prishtinë, në mënyrë që protestuesit serbë të tërhiqen nga ndërtesat e komunave në veri.
Ai ka kërkuar që kryetarët e zgjedhur të shkojnë “në shtëpitë e tyre” dhe “të gjitha njësitë speciale në ndërtesën e komunës, përreth komunës, të tërhiqen në jug, sepse ky nuk është stacion policie, është bashki e qytetit”.
Protestuesit serbë, janë mbledhur para ndërtesave komunale të Zveçanit, Leposaviqit dhe Zubin Potokut, duke kundërshtuar kryetarët e rinj të këtyre komunave.
Ndërkaq, situata është nën menaxhimin e Policisë së Kosovës si dhe trupave të KFOR-it.
/Shqip.com