Liga e Kombeve vazhdon me disa ndeshje interesante
Edhe e diela sjell disa përballje interesante në Ligën e Kombeve.
Franca do të këtë përballë një test të vështirë në udhëtim te Danimarka e Eriksenit.
Danimarka do të kërkojë fitore pëballë kampionëve të Botës, për të pasur një mundësi për të zënë vendin e parë në grup.
Me tri fitore dhe dy humbje Danimarka gjendet në vendin e dytë mbrapa vetëm Kroacisë, kurse Franca është e treta dhe tashmë ka ngecur në atë pozicion e nuk mund të ngritët më lartë.
Kroacia do të kërkojë të ruaj vendin e parë, duke mposhtur në udhëtim Austrinë.
Në këtë kampanjë Austria ka tri humbje, një fitore e një barazim, kurse Kroacia ka tri fitore, një barazim e një humbje.
Të dyja këto ndeshje zhvillohen me fillim nga ora 20:45.
Përballje mjaft interesante pritet të jetë edhe ajo ndërmjet Wales e Polonisë.
Të dyja këto skuadra kanë pasur një fillim të tmerrshëm dhe rrezikojnë rënien në një ligë më poshtë.
Polonisë do i mjaftonte një barazim, kurse Wales e ka të detyruar fitoren.
Derisa, Holanda dhe Belgjika do të luftojnë për një vend në krye të këtij grupi.
Holanda është në vendin e parë me 13 pikë, kurse Belgjika është e dyta me 10.
Edhe këto ndeshje zhvillohen me fillim nga ora 20:45./Shqip.com