Liburni e mbyll sezonin e rregullt si lider
Publikuar:
(29.05.2022 22:41:24)
Liburni e ka mbyllur si lider – kampionatin e rregullt në Superligën e Kosovës në futsall.
Në palestrën “Shani Nushi” – kuqezinjët kanë shënuar fitore minimale 2-1 ndaj Mabetex Prishtinës.
Skuadra gjakovare ishte më kërkuese që nga fillimi dhe në fund i arkëtoi pikët e plota.
Teksa, golat për vendasit u shënuan nga Maxharraj dhe Selmanaj.
Në ndeshjen e play-offit, Liburni do të takohet me skuadrën nga Podujeva, BB Llapi.
Favorit në letër pa asnjë dyshim kuqezinjët – pasi podujevasit gjenden në vendin e katërt në tabelë.
Ndeshja e parë do të zhvillohet në Gjakovë – gjatë javës së ardhshme. /Shqip.com