Letërsi e muzikë në mjediset e COD-it
Shqip
Një tjetër mbrëmje e magjishme është organizuar në Qendrën për Hapje e Dialog (COD), ku aktorja Ema Andrea lexoi për publikun “Sonatat e Kroicerit” nga Leon Tolstoi.
Në këtë takim letrar, ishte e pranishme violinistja Sonja Hoxhallari, e cila interpretoi në violinë, duke bërë që ky takim t’u jepte mundësinë të gjithëve të përjetonin një eksperiencë të jashtëzakonshme që ndërthur letërsinë me skenën në Qendrën për Hapje dhe Dialog, shkruan atsh.
“Sonata e Kroicerit” ndriçoi idealet e atëhershme të Tolstoit, konfliktet e tij me epshin dhe hipokrizitë e martesës së shekullit të nëntëmbëdhjetë, dhe mendimin e tij mbi rolin e artit dhe muzikës në shoqëri.
Takimi i radhës me letërsinë në mjediset e Qendrës për Hapje e Dialog, vjen në muajin korrik.
/Shqip.com
