Lajme të mira për Milanin – në prag të ndeshjes ndaj Torinos
Shqip
Në prag të ndeshjes ndaj Torinos, në kampin e Milanit kanë arritur dy lajme të mira.
Skuadrës i janë bashkangjitur Theo Hernandez dhe Franck Kessie, shkruan Shqip.com.
Rikthimi i Kessies në mesfushë do të jetë një ndihmë e madhe, sidmos në këtë kohë kur orari i ndeshjeve është tejet i ngjeshur.
Ndërsa edhe Theo në krahun e majtë do jetë një pikë shtesë për repartin sulmues, për shkak të shpejtësisë dhe harkimeve në zonën e rreptësisë.
Ndërsa, për ironinë e fatit, pikërisht futbollisti që e zëvendësoi Theo Hernandezin sa ishte pozitiv me COVID-19, Ballo Toure, nuk do jetë i gatshëm për lojë.
Ndeshja ndaj Torinos do zhvillohet sonte me fillim nga ora 20-45, në “San Siro”.
Momentalisht, rosonerët gjenden në pozitën e dyë në Serie A, me 25 pikë, aq sa ka edhe Napoli që është lider, por me golaverazh më të mirë./Shqip.com
