Lajm shumë i mirë nga Munihu, Arben Fetahu anëtar i Bordit të FIBA Evropës
Shqip
Një lajm shumë i mirë ka ardhur nga Munihu. Kryetari i Federatës së Basketbollit të Kosovës, Arben Fetahu është zgjedhur anëtar i Bordit të FIBA Evropës.
Ky është një sukses i madh për Federatën e Basketbollit e Kosovës dhe sportin e Kosovës në përgjthësi.
Fetahu është zgjedhur me 39 vota në zgjedhjet që janë mbajtur sot në Asamblenë e Përgjithshme të FIBA Evropës.
Fetahu është i pari nga sporti i basketbollit nga rajoni që zgjidhet anëtar i Bordit të FIBA Evropës. I pari i basketbollit të Kosovës është edhe anëtar i Komisionit Ligjor (FIBA Europe Legal Commission). Në asamblenë e Përgjithshme po merr pjesë edhe Sekretarja e Përgjithshme e FBK-së, Elvira Dushku. Dushku është anëtare në Komisionin e të Rinjve (FIBA Europe Youth Commission).
Fetahu dhe Dushku kanë marrë mirënjohje për punën që kanë bërë gjatë periudhës 2019-2023.
/Shqip.com
