Labi për dështimin e “Sunny Hill”: Qenkan bërë disa anketa për festivalin, a ka dëgjuar ndonjëri prej jush për një kërkesë për spital të Leukemisë në Kosovë?
Shqip
Zhvendosja e festivalit Sunny Hill nga Prishtina në Tiranë ka ngritur të gjithë në këmbë duke bërë bujë të madhe mediatike.
Kjo ka bërë që të komentohet edhe nga analistët si dhe artistët e vendit. Derisa të gjithë kanë kritikuar Qeverinë, Labinot Tahiri del me një reagim pak më ndryshe.
I njëjti në një shkrim të hedhur në Facebook ka folur për anketat që janë bërë në drejtim të festivalit, ndërkohë që thekson se që 23 vjet nuk është bërë asnjëherë asnjë anketë apo ankesë për një spital të Leukemisë.
Postimi i plotë i Labit (pa ndërhyrje):
“Për gjëra të pa vlera bëjmë sondazhe e poterë veq me atakua qeverinë!
E more populli ynë, sot qenkan bërë disa anketa për atë festivalin që shkoi në Tiranë, duke bërë pyetje; se kush është fajtorë pêr dështimin e atij festivali që iku nga Kosova?!
A mundeni me i tregua dikush prej jush kësaj Kosove, se; a ka degjuar ndonjeri prej jush ndonjërë, tani e 23 vite , ose a ka parë ndonjë anketë apo kërkesë, për një SPITAL të Leukemisë në këtë Kosovë me probleme shumë?!
Mos bëni politikë me një festival ku parat e njejta shkojnë tek vllezerit tanë.
Ne e dim se, qeveria e Kosovës ka punë më të menqura se sa ai festival, këtë e dim të gjithë.
Punë e madhe që nuk ju paska lajmrua qeveria asaj kërkese!
Të quditshëm jemi ne; kërkojmë punësim e kush nuk ngritet në këmbë, e në anën tjetêr ju ka rrok zavalli i festivaleve!!
Mosni Bacit se kërkah nuk jemi, ama bash kërkah nuk jemi.
Labinot Tahiri, Kosovë e Shqipërisë”.
“Sunny Hill” ishte paraparë të mbahej në Bërnicë të poshtme në Prishtinë./Shqip.com
