Kuvendi i Kosovës mban nesër seancën e radhës, kjo është pika e diskutimit
Shqip
Kuvendi i Kosovës gjatë ditës së nesërme do të mbajë seancën e radhës. Në njoftimin për media është bërë po ashtu edhe pika e diskutimit.
Në seancën e nesërme që pritet të nis në ora 13:00, do të diskutohet për politikën e jashtme të Kosovës.
Blerta Deliu anëtare e Kryesisë është shprehur se debati për politikën e jashtëm është dashur të mbahet më herët por për shkak të mungesës së Kryeministrit Albin Kurti dhe Ministres së Jashtme dhe Diasporës, Donika Gërvalla ky debat nuk është mbajtur.
“PDK është e vëmendshme lidhur me situatën e rëndë që ndodhet vendi ynë. Kemi parashtruar që 2 javë kërkesë mirëpo Kryeministri dhe Ministrja ka qenë jashtë vendit. U vendos që me datën 12 prill të diskutohet lidhur me politikën e jashtme” kishte thënë Deliu-Kodra.
Kjo seancë ishte vendosur që të mbahej pas mbledhjes së fundit të kryesisë javën e kaluar./Shqip.com
