Kryeprokurori Smith lë Specialen, do ta hetojë Donald Trump-in

Kryeprokurori i Gjykatës Speciale, Jack Smith, pas largimit nga ky post, do të marrë një pozitë të rëndësishme në SHBA.

Mediat amerikane kanë konfirmuar se ai do të jetë këshilltari special në hetimet ndaj ish-presidentit, Donald Trump.

Smith hetoi krimet e luftës të kryera gjatë Luftës së Kosovës.

Por kush është Jack Smith?

Përpara Hagës, Smith shërbeu si zëvendëspresident i çështjeve gjyqësore për Korporatën Spitalore të Amerikës, ofruesi më i madh i kujdesit shëndetësor joqeveritar në vend.

Smith filloi karrierën e tij prokuroriale në vitin 1994 si ndihmës prokuror në Zyrën e Prokurorit të Qarkut të Nju Jorkut. Në vitin 1999, ai u bë një ndihmës avokat i SHBA-së për Distriktin Lindor të Nju Jorkut, ku punoi për nëntë vjet duke ndjekur çështje të tilla si vrasjet në grup të oficerëve të policisë, si dhe shkeljet e të drejtave civile, thuhet sipas një biografie nga Departamenti i Drejtësisë.

Nga viti 2008 deri në vitin 2010, Smith punoi në Gjykatën Penale Ndërkombëtare, ku mbikëqyri hetimet për krimet e luftës.