Kurti zhvillon takim me emisarët evropian bisedojnë për situatën në veri

Gjatë ditës së sotme kryeministri i Kosovës ka zhvilluar takim me emisarët e Gjermanisë dhe Sllovenisë për Ballkanin Perëndimorë, Manuel Sarrazin, dhe Anžej Frangeš.

Në këtë takim temë kryesore e takimit ka qenë situata e fundit në veri të vendit.

Kurti është shprehur se vendimi dhe veprimet e qeverisë janë në shërbim të sundimit të ligjit dhe marrin parasysh brengat e partnerëve ndërkombëtarë për sigurinë dhe paqen.

Ndërkaq sa i përket bojkotit të institucioneve nga Lista Serbe, tha se është i nxitur dhe orkestruar nga Beogradi.,

Më tutje Kurti, njoftoi emisarët për zbatimin e shkallëzuar të vendimit të qeverisë për targat ilegale duke theksuar se deri sot në mëngjes janë lëshuar 1012 vërejtje për vozitësit me targa ilegale.