Kurti: Qeveria do të vazhdoj të punoj për avancimin digjital

Kryeministri i Kosovës Albin Kurti ka thënë që është prioritet i Qeverisë së Kosovës që të vazhdojë avancimin digjital.

Në Samitin Digjital i cili po mbahet në Prishtinë i quajtur “Prishtina 2022”, Kurti tha se prioritet i Qeverisë është kjo fushë si dhe kjo do të fuqizojë administratën publike si dhe të përmirësoj shërbimet e tjera.

“Kjo do të bëhet me e lehtë duke punuar që të fuqizohet administrate publike, përmirësimi i sistemit edukativ, ngritja e cilësisë së shërbimeve shëndetësore dhe atyre të drejtësisë. Kjo vjen duke dixhitalizuar institucionet qeveritare dhe ato ekonomike të cilat ndikojnë në ngritjen e produktivitetit dhe përmirësimin e jetës qytetare”, tha Kurti.

Ndërsa për Samitin Digjital, Kurti tha se është mundësi e mirë për vendet e rajonit.

“Ky samit jep mundësi të gjitha shteteve të rajonit dhe Ballkanit që të zhvillohen në aspektin e dixhitalizimit në mënyrë që të bëhët komunikimi dhe shërbimi më i lehtë”.

Tutje, Kurti foli edhe për sulmet kibernetike ndaj shteteve të Ballkanit dhe tha se aftësimi dixhital dhe mbrojtja dixhitale është e rëndësishme për sigurinë e shtetit./Shqip.com